Buxoroda tahsil olgan shayxulislom O‘zbekistonning yuksak ordeniga loyiq ko‘rildi
Oʻzbekiston Respublikasi Prezidenti Shavkat Mirziyoyev mamlakatimizga kelgan Kavkaz musulmonlari idorasi raisi, shayxulislom Ollohshukur Poshshozoda bilan uchrashuv o‘tkazdi. Bu haqda Prezident matbuot xizmati xabar berdi.
Uchrashuv avvalida davlat rahbari shayxulislomga Oʻzbekiston va Ozarbayjon rahbarlarining hamkorligiga bagʻishlangan “Qardoshlik va ittifoqchilikning oliy nuqtasi” kitobi uchun minnatdorlik bildirgan.
Millatlararo totuvlik, diniy bagʻrikenglikni mustahkamlash va yoshlar tarbiyasi, ikki tomonlama madaniy-maʼrifiy hamkorlikni yangi bosqichga olib chiqish, Islomning insonparvarlik mohiyatini yoshlarga yetkazish uchun raqamli platformalar va interaktiv taʼlim vositalaridan foydalanishda ilmiy salohiyatni birlashtirish masalalari muhokama qilingan.
Uchrashuv yakunida Shavkat Mirziyoyev musulmon dunyosi ilm-faniga qoʻshgan hissasi uchun Ollohshukur Poshshozodaga “El-yurt hurmati” ordenini topshirgan.
Ma’lumot uchun, Ollohshukur Poshshozoda O‘zbekiston bilan azaliy aloqalarga ega. U 1968-yilda Buxorodagi “Mir-Arab” madrasasiga oʻqishga kirgan hamda diniy ta’limini 1975-yilda Toshkent islom institutida (matnda Toshkent Islom Universiteti) tamomlagan.
