Боку ва Ереван ҳали ҳам тинчлик шартномасини имзолагани йўқ — Илҳом Алиев
"Расмий тинчлик келишуви битта аниқ сабабга кўра имзоланмади: Арманистон конституциясида ҳали ҳам Озарбайжоннинг ҳудудий яхлитлигини шубҳа остига қўядиган модда мавжуд. Арманистон конституциясига тегишли тузатиш киритилгач ва ундан Озарбайжонга нисбатан ҳудудий даъволар олиб ташлангач, тинчлик шартномаси имзоланади", — деди Озарбайжон президенти.
Илҳом Алиевнинг сўзларига кўра, АҚШда президент Доналд Трамп воситачилигида имзоланган ҳужжат тинчлик шартномаси эмас, балки Озарбайжон ва Арманистон ўртасида тинчлик келишувини тузиш ниятини билдирувчи декларациядир.
