Bir kunda ikki o‘zbek UFC'da oktagonga ko‘tariladi.Janglarga qanday tayyorgarlik ko‘rilmoqda?
Bogdan Guskov yarim og‘ir vaznda UFC reytingining o‘ninchi pog‘onasida turibdi va asosiy jangga chiqmoqda. Khalil Rountree jarohati tufayli chiqib ketgach, u atigi o‘n ikki kun ichida Magomed Ankalayevga qarshi main eventga rozilik berdi. Professional faoliyatidagi 18 ta g‘alabasining hammasi finish bilan tugagan, shulardan 13 tasi birinchi raundda. U hozir O‘zbekistonning UFC reytingidagi eng yuqori o‘rindagi jangchisi va mamlakat tarixidagi birinchi asosiy jang ishtirokchisi. Qisqa muddatda tayyorlanayotgani sababli asosiy e’tibor himoya, masofa nazorati, kardio va mental tayyorgarlikka qaratilmoqda.
.jpg&w=3840&q=75)
Ramazonbek Temirov esa yengil vaznda Stiv Ersegga qarshi chiqadi. U UFCdagi ikki g‘alabasi va kuchli nokautlari bilan esda qolgan. U yaqinda diskvalifikatsiya muddatini o‘tab qaytdi va jangga to‘liq tayyor. Legion Fight Club va Muradov Legion jamoasida mashq qilayotgan Temirovning kuchli tomoni birinchi raunddagi portlovchi zarbalar. Shu bois sparringlarda aynan shu bosqichga e’tibor qaratilmoqda. Vazn ushlash va Ersegning texnik uslubiga qarshi ishlash asosiy yo‘nalish.
Bu ikkalasining bir kunda ringga chiqishi O‘zbekistonni endi “bitta jangchi mamlakati” emas, balki haqiqiy raqobatbardosh kuch sifatida ko‘rsatmoqda. Tayyorgarlik jarayoni ham xalqaro darajaga chiqdi — professional lagerlar, dietologlar, tiklanish mutaxassislari. Yoshlar uchun kuchli motivatsiya, federatsiya va klublar ishining samarasi. Albatta, xavflar bor: Guskovda qisqa muddat, Temirovda esa oldingi diskvalifikatsiya tarixi. Ammo imkoniyatlar undan ham katta. Agar ikkalasi ham g‘alaba qozonsa, bu nafaqat shaxsiy muvaffaqiyat, balki butun mamlakat MMA-si uchun yangi sahifa ochilishi bo‘ladi.
Yaqinda Bokuda Andrey Pulyayevni birinchi raundda bo‘g‘ib UFC rekordini 5-1 ga yetkazgan Nursulton Ruziboyev ham hozirda keyingi jangga tayyorgarlik ko‘rmoqda. U American Top Teamda mashq qiladi va top-15 ga chiqishni maqsad qilgan.
