AQSh Davlat kotibi Marko Rubio 200 dan ortiq amerikalik biznes vakillari bilan Samarqandga kelyapti
Davlat departamenti ma’lumotlariga ko‘ra, delegatsiyaning ilk manzili Samarqand shahri bo‘lib, u yerda doirasida 200 dan ziyod amerikalik yirik biznes vakillaridan iborat tijoriy guruh ham jam bo‘ladi.
Samarqanddagi uchrashuvlar chog‘ida “C5+1” formatidagi vazirlar muloqoti bo‘lib o‘tishi ko‘zda tutilgan. Unda AQSh diplomatik korpusi hamda Markaziy Osiyoning besh respublikasi — O‘zbekiston, Qozog‘iston, Qirg‘iziston, Tojikiston va Turkmaniston vakillari mintaqaviy va iqtisodiy masalalarni muhokama qiladi.
Shuningdek, Marko Rubio safari davomida Markaziy Osiyo davlatlarining yuqori martabali rasmiylari bilan alohida ikki tomonlama muzokaralar o‘tkazishni rejalashtirgan. Dastlab tadbirga 100 ga yaqin kompaniya jalb etilishi aytilgan bo‘lsa-da, so‘nggi ma’lumotlarga ko‘ra qatnashchi tadbirkorlar soni ikki baravarga oshgan.
AQSh Davlat departamenti ushbu keng ko‘lamli tashrifni Qo‘shma Shtatlar va Markaziy Osiyo mintaqasi o‘rtasidagi savdo-iqtisodiy va sarmoyaviy hamkorlikni mutlaqo yangi bosqichga olib chiquvchi muhim voqea sifatida baholamoqda.
