Şavkat Mirziyoyev Ömon Sultonligining oliy mukofoti, Ömon Sultoni esa “Oliy Darajali Döstlik” ordeni bilan taqdirlandi

Tadbir davomida Ömon Sultoni ikki davlat örtasidagi döstona munosabatlarni mustahkamlaş va köp qirrali hamkorlikni yangi bosqiçga olib çiqişga qöşgan hissasi uçun Şavkat Mirziyoyevga Sultonlikning oliy mukofoti — “Ol Said” ordenini topşirdi. Özbekiston yetakçisi yuksak e’tirof uçun minnatdorlik bildirib, uşbu mukofotni butun Özbekiston xalqiga hamda ikki mamlakat örtasidagi döstlik va hamkorlikka körsatilgan çuqur hurmat ramzi sifatida qabul qilişini ta’kidladi.
Öz navbatida, Şavkat Mirziyoyev ham Ömon Sultoni Haysam bin Toriq Ol Saidni Özbekistonning “Oliy Darajali Döstlik” ordeni bilan mukofotladi. Mazkur orden Sultonning ikki mamlakat örtasidagi özaro anglaşuvni mustahkamlaş, siyosiy-diplomatik, savdo-iqtisodiy, investitsiyaviy hamda madaniy-gumanitar aloqalarni rivojlantiriş borasidagi sa’y-harakatlariga Özbekiston xalqi va davlati tomonidan bildirilgan yuksak ehtirom sifatida taqdim etildi.
Ikki davlat rahbarlarining özaro oliy mukofotlar bilan taqdirlanişi rasmiy Toşkent va Masqatning ikki tomonlama strategik hamkorlikni bundan buyon ham izçil rivojlantirişga bölgan qat’iy intilişining ifodasi sifatida qayd etildi.
- #Ömon
- #Şavkat Mirziyoyev
- #orden








