Alisher Samadov Hisob palatasi raisi, Timur Butunbayev esa Prezident Administratsiyasi rahbari o‘rinbosari etib tayinlandi
Alisher Samadov O‘zbekiston Respublikasi Hisob palatasi raisi lavozimiga tayinlandi. Shu munosabat bilan u Prezident Administratsiyasining Huquqiy ekspertiza va kompleks tahlil qilish departamenti boshlig‘i lavozimidan ozod etildi. Bu haqda prezident matbuot xizmti xabar berid.
Samadov 2025-yil 14-iyuldan buyon mazkur departamentga rahbarlik qilib kelayotgandi. Undan avval esa prezidentning huquqiy ekspertiza va kompleks tahlil qilish masalalari bo‘yicha maslahatchisi o‘rinbosari sifatida faoliyat yuritgan.
Shuningdek, Timur Nuryigitovich Butunbayev Prezident Administratsiyasi rahbarining suv islohotlari bo‘yicha o‘rinbosari — Huquqiy ekspertiza departamenti boshlig‘i lavozimiga tayinlandi. U shu paytgacha Prezident Administratsiyasi rahbarining suv ta’minoti tizimini isloh qilish bo‘yicha o‘rinbosari lavozimida ishlab kelayotgandi.
Hisob palatasi raisi lavozimi 2025-yil yanvaridan buyon bo‘sh qolayotgan edi. Bungacha ushbu lavozimda Adiz Boboyev faoliyat yuritgan. Keyinchalik u Samarqand viloyati hokimi etib tayinlangan.
