Абдусатторов ва Синдоров дунё «топ»ида
Абдусатторов 16 та халқаро турнирда қатнашиб, 361 минг доллардан ортиқ мукофот ишлаб топди ва жаҳон рейтингида 9-ўринни эгаллади. Бу натижа уни Осиёдаги энг муваффақиятли шахматчилардан бирига айлантирди.
Жаҳон кубоги ғолиби Синдоров эса 11 та мусобақада иштирок этиб, қарийб 349 минг доллар мукофот қўлга киритди ва жаҳонда 10-ўринни қайд этди.
Мутахассислар бу ютуқларни Ўзбекистонда ёш шахматчиларни қўллаб-қувватлашга қаратилган тизимли сиёсат самараси, деб баҳоламоқда. Таҳлилларга кўра, 2026 йилда ҳам ушбу шахматчилар юқори натижаларини сақлаб қолса, «миллион долларлик мукофот эгалари» сафига қўшилиши мумкин.
