500 ta timsoh yashaydigan daryoda 2032-yilgi Olimpiada musobaqalari o‘tkaziladi
Rokxempton shahridan o‘tuvchi ushbu suv havzasi mustaqil texnik ko‘rikdan o‘tkazilib, unda ob-havo o‘zgarishlari, suv sathi hamda toshqin xavflari chuqur o‘rganib chiqildi. O‘tkazilgan tahlillar davomida mutaxassislar asosiy e’tibor sportchilar uchun adolatli va xavfsiz raqobat sharoitini yaratishga qaratilgani sababli daryodagi timsohlar omili alohida mezon sifatida ko‘rib chiqilmagan.
Jahon eshkak eshish federatsiyasi prezidenti Jan-Kristof Rolland daryo barcha xalqaro talablarga to‘liq javob berishini tasdiqlagan.
Fitzroy daryosi hozirgi kunda ham mahalliy musobaqalar, maktab chempionatlari va terma jamoalar yig‘ini uchun faol ishlatib kelinmoqda. Sportchilarni xavfsizlik borasida tinchlantirgan "Brisben-2032" tashkiliy qo‘mitasi prezidenti Endryu Liveris okeanda akulalar borligiga qaramay serfing musobaqalari muvaffaqiyatli o‘tkazilishini eslatib o‘tgan.
Ma’lumot uchun, ushbu daryoda istiqomat qiluvchi va mahalliy aholi orasida “Salties” nomi bilan tanilgan dengiz timsohlari ham chuchuk, ham sho‘r suvda yashashga moslashgan bo‘lib, ularning uzunligi 6 metrdan oshishi mumkin.
