Özbekiston kambağallikni qisqartiriş böyiça “çempion davlat” – vazirlik vakili
Özbekistonda töqqiz oy yakuniga köra, kambağallik darajasi 5,8 foizdan 3,6 foizgaça kamaydi. Bu haqda 28-oktabr kuni Toşkentda ötkazilgan matbuot anjumanida Kambağallikni qisqartiriş va bandlik vazirining birinçi örinbosari Marat Jörayev ma’lum qildi.
Anjumanda Marat Jörayev Jahon banki bilan ötkazilgan konferensiyada Özbekistonning kambağallikni qisqartiriş borasidagi natijalari muhokama qilinganini bildirdi. U Jahon banki bahosiga işora qilib, Özbekistonni bu yönalişda “çempion davlat" deb atadi. Vazir örinbosari bu ta’rifni mamlakat dunyodagi yetakçi beş davlat qatoriga kirişi bilan izohladi. Biroq nutqning uşbu qismida beşlik qaysi davr va körsatkiç asosida şakllantirilganiga aniqlik kiritilmadi.
Vazirlik ma’lumotiga köra, yil boşida mamlakatda kambağal aholi soni 2,2 million kişini taşkil etgan bölsa, 1-oktabr holatiga köra 1,4 million kişiga tuşgan. Kambağallikdan xoli mahallalar soni esa 3 627 taga yetgan.
Jörayev “kambağallikdan xoli” degan ta’rif bunday hududlarda kambağal oilalar umuman qolmaganini anglatmasligini tuşuntirdi. Uning aytişiça, vazirlik kambağallik darajasi 3 foizdan past bölgan mahalla va tumanlarni uşbu toifaga kiritadi.
Jurnalistlarning oilalarni kambağallik reyestridan çiqariş mezonlari haqidagi savollariga javoban vazir örinbosari buning uçun oilaning rasmiy yoki normativ hisoblangan daromadi oşişi kerakligini ta’kidladi.
Jörayevning ma’lum qilişiça, hisobot davrida daromadi oşgan 440 ming oila reyestrdan çiqarilgan. Ularning 19 mingi daromadi yana pasaygani sabab kambağal oilalar toifasiga qayta kiritilgan. Vazirlik vakili reyestrdan çiqarilgan oilalar ham kuzatuvda qolişini aytdi. Uning izohlaşiça, daromadi belgilangan çegaradan oşib, “yaşil” toifaga ötkazilgan oilalarga ham davlat imtiyozlari va qöllab-quvvatlaş mexanizmlari 12 oy davomida tatbiq etiladi.
Portal24 muxbiri töqqiz oyda doimiy işga joylaştirilgani bildirilgan 824 ming fuqaroning qançasi hozir ham öşa işda işlayotgani, ularning maoşi va işda qolişi qanday kuzatib borilişi haqida söradi. Vazirlik vakili işga joylaştiriş körsatkiçlari iş haqi va soliqqa oid ma’lumotlar asosida şakllantirilişini ma’lum qildi. Biroq işga joylaştirilganlarning qançasi hozir ham öşa işda işlayotgani böyiça aniq raqam keltirilmadi.
