Зеленский урушда 55 минг украиналик ҳалок бўлганини айтди
Украина президенти Володимир Зеленский France 2 телеканалига берган интервьюсида уруш давомида жанг майдонида 55 минг нафар украиналик ҳарбий ҳалок бўлганини маълум қилди.
Очиқ манбаларга кўра, 4 февраль ҳолатига UALosses лойиҳаси рўйхатларида 86 минг нафар ҳалок бўлган ва 89 минг нафар бедарак йўқолган украиналик ҳарбий қайд этилган. Ушбу лойиҳа уруш давомида ҳалок бўлган ёки бедарак йўқолган украиналик ҳарбийлар бўйича очиқ рўйхат юритади.
Шу билан бирга, АҚШдаги Стратегик ва халқаро тадқиқотлар маркази (CSIS) баҳосига кўра, Россия томонининг умумий йўқотишлари 1,2 миллион нафаргача, шундан 325 минг нафари ҳалок бўлган. BBC рус хизмати ва “Медиазона” очиқ манбалар асосида 165 мингдан ортиқ россиялик ҳарбий ҳалок бўлганини тасдиқлаган.
