Ўзбекистонда 4 минг км йўл “автобан”га айланади
Лойиҳа доирасида Андижон–Қўнғирот, Тошкент–Термиз, Самарқанд–Шаҳрисабз ва Олот–Сариосиё йўналишлари замонавий, юқори тезликка мўлжалланган кенг магистрал йўлларга айлантирилади. Маблағлар давлат бюджети ва халқаро молия институтлари ҳисобидан қопланади.
Шунингдек, 2026–2030 йилларга мўлжалланган йўл қуриш ва реконструкция дастури ишлаб чиқилади. Қорақалпоғистон, Бухоро, Қашқадарё ва Сурхондарё ҳудудларида ҳам 300 км йўл (220 км халқаро ва давлат аҳамиятидаги, 80 км маҳаллий) реконструкция қилинади.
Натижада ҳаракат вақти 6 соатга қисқаради ва эксплуатация харажатлари икки баробарга камаяди. Лойиҳалар ижроси учун Вазирлар Маҳкамаси ва Транспорт вазирлиги масъул этиб белгиланган.
