Yevropada iyun oyidagi jazirama oqibatida 10 mingdan ortiq o‘lim qayd etildi

Kasalliklarning oldini olish va nazorat qilish bo‘yicha Yevropa markazi (ECDC) hamda Jahon sog‘liqni saqlash tashkiloti (JSST) ko‘magida faoliyat yurituvchi EuroMOMO tarmog‘i ma’lumotlariga ko‘ra, ortiqcha o‘limlarning 9 mingdan ortig‘i 65 yosh va undan katta fuqarolar hissasiga to‘g‘ri kelgan.

Mutaxassislarning ta’kidlashicha, kuchli issiq urishi odamlarning bevosita hayotiga xavf tug‘dirishi, shuningdek, yurak-qon tomir va nafas olish tizimi kasalliklarini og‘irlashtirishi mumkin. Ayniqsa, keksa yoshdagilar bunga eng zaif toifa hisoblanadi.

Shuningdek, mutaxassislar yilning bu davrida bunday miqdordagi ortiqcha o‘lim kuzatilishi odatiy hol emas. Bu juda yuqori ko‘rsatkich ekanini aytgan.

Tahlil 27 Yevropa mamlakatining milliy o‘lim statistikalari asosida tuzilgan bo‘lib, unda 22–28 iyun haftasidagi barcha sabablar bo‘yicha ortiqcha o‘limlar hisobga olingan. Aynan shu davrda Fransiya, Ispaniya, Buyuk Britaniya va boshqa mamlakatlarda jazirama eng yuqori cho‘qqiga chiqqan. Iyunning so‘nggi haftasida “juda yuqori ortiqcha o‘lim” qayd etilgan yagona Yevropa davlatlari esa Fransiya va Belgiya bo‘lgan.

Jaziramadan oldingi sakkiz hafta davomida ayni 27 mamlakatda o‘limlar soni odatdagi ko‘rsatkichdan haftasiga o‘rtacha 500 taga kam bo‘lgan.

Iyun oxiridagi kuchli issiq Yevropaning bir qator hududlarida elektr ta’minotiga salbiy ta’sir ko‘rsatdi, maktablar faoliyatini to‘xtatdi hamda Fransiya, Ispaniya va Buyuk Britaniyada harorat

Belgiya sog‘liqni saqlash instituti Sciensano ma’lumotlariga ko‘ra, mamlakatda qayd etilgan ortiqcha o‘lim darajasi 2000-yildan buyon kuzatilgan barcha jazirama to‘lqinlari ichida eng yuqori ko‘rsatkich bo‘lgan.

May va iyun oylaridagi issiq to‘lqinlar davomida faqat Angliya va Uelsning o‘zida 2 700 kishi issiqlik bilan bog‘liq sabablarga ko‘ra vafot etgani taxmin qilmoqda. Ushbu o‘limlarning 42 foizi global isish tufayli kuchaygan jazirama ta’siri bilan bog‘liq bo‘lgan.