Yevropada 27 yildan beri ilk bor to‘liq Quyosh tutilishi sodir bo‘lmoqda
GMT vaqti (Grinvich o‘rtacha vaqti) bilan soat 15:34 da boshlanadigan tutilish davomida Oy Quyoshni 2 daqiqa 18 soniyaga to‘liq to‘sadi. Ushbu nodir hodisani Grenlandiya, Islandiya, Ispaniya shimoli, Portugaliyaning bir qismi hamda Rossiya shimolida yashovchilar bevosita ko‘rishlari mumkin. Birgina Ispaniyaning o‘zida 15 millionga yaqin kishi to‘liq tutilishga guvoh bo‘ladi.
Qisman tutilish G‘arbiy Yevropa, Shimoli-g‘arbiy Afrika va AQShning ayrim hududlarini qamrab olib, jami 1 milliardga yaqin aholiga ko‘rinadi. Bu Yevropa qit’asida 1999-yildan beri kuzatilayotgan birinchi to‘liq Quyosh tutilishidir.
O‘zbekistonda ushbu hodisa ko‘rinmaydi, biroq uni Toshkent vaqti bilan soat 22:15 dan boshlab NASA’ning onlayn translyatsiyasi orqali tomosha qilish imkoniyati mavjud.
