Xyustonda ICE xodimi qidiruvdagi shaxsni otib o‘ldirdi
Hodisa 7-iyul kuni soat 06:50 atrofida sodir bo‘lgan. Federal agentlar Meksika fuqarosi bo‘lgan Lorenzo Salgado Araujoni to‘xtatib, uni "maqsadli ijro operatsiyasi" doirasida hibsga olishga uringan.
ICE bayonotiga ko‘ra, Salgado Araujo avtomobili bilan huquqni muhofaza qiluvchi xodimni urib yuborishga uringan. Shundan so‘ng agent xizmat qurolidan foydalangan. Biroq agentlik ushbu da'voni tasdiqlovchi video yoki boshqa dalillarni taqdim etmagan.
Mahalliy huquqni muhofaza qiluvchi organlar ma'lumotiga ko‘ra, erkak qorin qismidan o‘q yegan va shifoxonaga olib borilgan, biroq shifokorlar uning hayotini saqlab qola olmagan.
Mazkur voqea yuzasidan tergovni Federal qidiruv byurosi (FQB) olib bormoqda. Texas fuqarolik huquqlari loyihasi esa hodisani qoralab, voqea bo‘yicha mustaqil va shaffof tergov o‘tkazilishini talab qilmoqda.
