Ukraina qurolli kuchlari Rossiyaning harbiy zavodiga hujum qildi
Qayd etildiki, raketa hujumi Kirovdagi „Avitek“ korxonasiga qaratilgan. Hujum oqibatida 32 kishi jarohat olgan va 6 kishi voqea joyida halok bo'lgan. Sokolov halok bo‘lganlarning oila a’zolari va yaqinlariga chuqur hamdardlik bildirdi.
Ushbu korxona havo hujumidan mudofaa tizimlari uchun komponentlar, qanotli raketalar qismlari, qiruvchi samolyotlar uchun katapult o‘rindiqlar va boshqa aviatsiya hamda harbiy texnika jihozlarini ishlab chiqaradi.
Ba’zi ukrain manbalari va OSINT tahlilchilari zarbа „Flamingo” uzoq masofali raketalari bilan amalga oshirilganini aytmoqda. Ukraina rasmiylari hozircha bu hujum haqida ochiq bayonot bermagan.
Sokolov Kirov viloyati aholisidan ijtimoiy tarmoqlarda, OAVda va boshqa axborot resurslarida hujumlar va ularning oqibatlari haqidagi, hudud, obyekt hamda yetkazilgan zararning xususiyatini aniqlash imkonini beruvchi har qanday foto, videomateriallar va ma’lumotlarni joylashtirish taqiqlanishini ma'lum qildi.
Eslatib o‘tamiz, iyul oyining o‘rtalarida Ukraina dronlari Rossiyaning bir necha mintaqasidagi Wildberries logistika markazlariga ketma-ket zarba bergan edi.
