Ufada O‘zbekiston fuqarosi daryoda cho‘kib halok bo‘ldi
Hodisa Kamennaya Perepriva hududidagi ko‘prik ostida sodir bo‘lgan. Halok bo‘lgan fuqaroning shaxsi hamda voqea tafsilotlari hozircha ochiqlanmagan.
Shahardagi yuqori harorat va suv sathining ko‘tarilishi Belaya hamda Ufa daryolarida kuchli oqimlarni keltirib chiqargani sababli hududda cho‘milish rasman taqiqlangan edi.
Ma’lumot uchun, birgina iyul oyidagi issiq kunlarda Ufa daryolarida qutqarilganlar soni o‘tgan yilgi ko‘rsatkichdan qariyb uch baravarga oshgan. Bir hafta ichida 87 kishi qutqaruvchilarga murojaat qilgan.
