“To‘yning ertasi kuniyoq tillalarni kuyovning oilasiga berganman”. Turkiyada tillalarni olib qochganlikda ayblangan o‘zbeksitonlik kelin izoh berdi

So‘nggi kunlarda Turkiyaning “Sözcü”, “Yeni Şafak”, “Haberler”, “Karar” va boshqa nashrlarida Mug‘laning Milas tumanida o‘zbekistonlik kelin to‘ydan keyin katta miqdordagi tilla va tilla taqinchoqlar olib g‘oyib bo‘lgani haqida ko‘plab xabarlar tarqaldi. Unda kuyovning otasi OAVga kelin to‘yda taqilgan qariyb 5 mln liralik tillalarni olib ketganini aytgan va holat yuzasidan prokuraturaga murojaat qilgani aytiladi.

“Toʻydan keyin biz turmush oʻrtogʻim bilan yashashni boshlaganmiz. Birinchi kunning oʻzidayoq uning opasi, uning oilasi bilan oltin janjallari boshlangan. Oʻsha oltin janjallari: “Oltinni oʻgʻirlab ketadi bu, oltin unda turmaydi. Uyimizning kalitlari ham hammada bor, uydan oʻgʻirlab ketadi”, – deb qaynotamning hovlisiga olib ketishgan. Yaʼni bu oltinlarni men olganim yoʻq, hech qayerga qochib ham ketganim yoʻq, hech qanaqa oʻgʻirlaganim ham yoʻq”, – deydi Ma’mura.

Maʼmura Burxonova o‘ziga qo‘yilgan ayblovlarni rad etib, to‘yda taqilgan tillalarni onasi bilan birga qaynotasiga topshirganini bildirgan. Uning so‘zlariga ko‘ra, qaynotasi keyinchalik o‘zaro yozishmalarda tillalarni kredit va boshqa qarzlarini to‘lash uchun sotganini qayd etgan:

U mazkur yozishmalar va tillalarni topshirish jarayoni aks etgan videolarni Turkiya huquqni muhofaza qiluvchi organlariga taqdim etganini ma’lum qilgan:

Ayni paytda tomonlarning o‘zaro da’volari bo‘yicha surishtiruv davom etmoqda. O‘zbeksitonning Istanbuldagi Bosh konsulxonasi tergov yakuniga qadar bir tomonlama xulosa chiqarish va tasdiqlanmagan ma’lumotlarni tarqatmaslikka chaqirgan.