Toshkentdagi “O‘rikzor” bozoriga o‘t ketdi
Bugun, 4-iyul kuni soat 04:26 da Toshkent shahar, Uchtepa tumani, Toshkent halqa avtomobil yo‘li koʻchasida joylashgan “O‘rikzor” bozorida do‘konda yongʻin sodir boʻldi. Bu haqda Toshkent shahar FVBB xabar berdi.
Yong‘in haqida xabar kelib tushgach, voqea joyiga qutqaruv boʻlinmalari soat 04:35 da hodisa joyiga yetib borgan, Yong‘in soat 04:48 da qurshab olinib, soat 05:01 da o‘chirilgan.
Yong‘in oqibatida oziq-ovqat do‘koni 150 kv.m maydonda yonib zararlangan.
Hodisa oqibatida tan jarohati olganlar yoʻq.
Hozirda yong‘in sababi va keltirilgan moddiy zarar miqdori aniqlanmoqda.
