Toshkentda Nexia bilan to‘qnashgan Cobalt ag‘darilib, trotuarga chiqib ketdi
Joriy yilning 12-iyul kuni soat 22:45 larda Toshkent shahar Uchtepa tumanida Cobalt Nexia bilan to‘qnashib, tratuarga chiqib ketdi. Bu haqda YHXB xabar berdi.
Holat Izza mahallasidan o’tgan Poygoh ko'chasida sodir bo‘lgan. Unda 19 yoshli haydovchi Cobaltni boshqarib ketayotib qarama-qarshi yo'nalishga chiqib ketgan. Oqibatda o'z yo'nalishida harakatlanib kelayotgan 39 yoshli haydovchi boshqaruvidagi Nexia bilan to‘qnashib, yo’l-transport hodisasi sodir bo’lgan.
Voqeadan ikki mashinadagi fuqarolar shoshilinch shifoxonaga olib ketilgan, halok bo‘lganlar yo‘q.
Hozirda mazkur holat yuzasidan mas’ul xodimlar tomonidan surishtiruv harakatlari olib borilmoqda.
