Tehrondagi motam tadbirlariga O‘zbekiston rasmiylari tashrif buyurdi
Ushbu rasmiy motam tadbirlarida mamlakat nomidan qatnashish uchun O‘zbekiston Respublikasi Oliy Majlisi Qonunchilik palatasi spikeri Nuriddin Ismoilov Tehronga tashrif buyurdi va davlat rahbariyati hamda xalq nomidan ta’ziya bildirgan.
Eron Oliy rahnamosi bilan vidolashuv marosimiga dunyoning turli davlatlaridan ko‘plab xorijiy rasmiylar hamda mintaqa yetakchilari kelgan. Ular orasida Tojikiston prezidenti Emomali Rahmon, Turkmaniston xalq maslahati raisi Gurbanguli Berdimuhamedov, Pokiston bosh vaziri Shahboz Sharif, Armaniston bosh vaziri Nikol Pashinyan va Gruziya prezidenti Mixail Kavelashvili bor. Shuningdek, marosimda Eron rasmiylari, xususan Mas’ud Pezeshkiyon hamda “Hizbulloh” tashkiloti yetakchilari va ularning oilalari ishtirok etmoqda.
Eron Oliy rahnamosi Oyatulloh Ali Xomanaiy joriy yilning 28-fevral kuni AQSH va Isroil hujumlari oqibatida vafot etgan edi. Mazkur aviahujumda uning oila a’zolari, xususan, nabirasi Zahro Mohammadi Golpaygani ham fojiali tarzda halok boʻlgan. Tehronda tashkil etilgan ushbu ommaviy vidolashuv marosimidan soʻng ular soʻnggi yoʻlga kuzatilmoqda.
