“Ташаббусли бюджет” доирасида “Депутатлар ташаббуси” амалиёти жорий этилади

Ушбу тартиб қуйидагича амалга оширилади:

Олий Мажлис Қонунчилик палатаси депутатлари ҳар йили ўз сайлов округлари доирасида “Ташаббусли бюджет” лойиҳалари орасидан ғолиб бўлмаган иккита лойиҳани (ҳар мавсумда биттадан) сайловчиларнинг эҳтиёж ва манфаатларини инобатга олган ҳолда “Очиқ бюджет” ахборот порталида танлайди;

Депутатлар томонидан танланган лойиҳалар порталда автоматик тарзда ғолиб деб эълон қилинади ва республика бюджети ҳисобидан молиялаштирилади.

Шу билан бирга, “Очиқ бюджет” порталида депутатлар ташаббуси асосида молиялаштириладиган лойиҳалар учун алоҳида саҳифа ташкил этилади ва бу саҳифада барча тегишли лойиҳаларнинг жамоатчилик учун очиқ рўйхати юритилади.

Молиялаштириш манбаи сифатида, ҳар бир депутатга йилига икки мавсум учун базавий ҳисоблаш миқдорининг 8000 баравари (амалдаги ҳисоб-китобга кўра, тахминан 3,3 миллиард сўм) миқдорида маблағ ҳар йиллик давлат бюджетида ажратилиши назарда тутилади.

📎 Қарорнинг тўлиқ матни билан ушбу ҳавола орқали танишишингиз мумкин.