Tarbiyachisi bolaning og‘ziga latta tiqqan xususiy bog‘cha faoliyati to‘xtatildi
Toshkent shahar sudlarining xabar berishicha, 14-iyul kuni Toshkent tumanlararo iqtisodiy sudida Maktabgacha va maktab ta’limi vazirligining “Rayyan Kids Land” oilaviy korxonasiga nisbatan litsenziyani bekor qilish to‘g‘risidagi arizasi ko‘rib chiqildi.
Sud qaroriga ko‘ra, mazkur oilaviy korxonaga nodavlat ta’lim xizmatlarini ko‘rsatish faoliyati uchun 2025-yil 13-avgustda berilgan litsenziya bekor qilindi va bog‘cha faoliyati to‘xtatildi.
Ushbu choralar muassasada tarbiyachi bolaning og‘ziga latta tiqib, uni qiynagani tasvirlangan videorolik tarqalishi va holat yuzasidan jinoyat ishi qo‘zg‘atilganidan so‘ng amalga oshirilgan. Sud yakunida raislik qiluvchi tomonidan qaror ustidan shikoyat qilish tartibi va muddatlari tushuntirilgan.
