Sloveniya Prezidenti avtohalokatga uchrab, shifoxonaga yotqizildi
variya 31-iyul kuni Kastelets tunnelida, dengiz bo‘yi avtostradasida sodir bo‘lgan. Koper shahar politsiyasi ma’lumotiga ko‘ra, Prezidentni kuzatib borayotgan kortej tarkibidagi ikkita xizmat mashinasi to‘qnashib ketgan.
Hodisa oqibatida ikki kishi jarohatlanib, Izola shahridagi shifoxonaga yetkazilgan. Ulardan biri yengil, ikkinchisi esa og‘ir tan jarohati olgan. Prezident Natasha Pirs-Musar ham ushbu tibbiyot muassasasida kechasi nazoratda bo‘lgan, hozirda u uyida va ahvoli yaxshi.
Qutqaruv va surishtiruv ishlari sababli Kastelets tunneli bir necha soatga transport vositalari uchun yopib qo‘yilgan. Hozirda ushbu YTH yuzasidan Maxsus davlat prokuraturasi ishtirokida tergov harakatlari olib borilmoqda.
Natasha Pirs-Musar – Sloveniya tarixidagi ilk ayol Prezident bo‘lib, u 2022-yil dekabridan buyon mamlakatni boshqarib kelmoqda. Siyosatga kirib kelguniga qadar u uzoq yillar davomida jurnalist va taniqli huquqshunos sifatida faoliyat yuritgan.
