Shavkat Mirziyoyev Gruziyaga davlat tashrifini yakunladi
O‘zbekiston Prezidenti Shavkat Mirziyoyevning Gruziyaga amalga oshirgan davlat tashrifi doirasidagi rasmiy tadbirlar nihoyasiga yetdi. Davlat rahbarini Tbilisi shahridagi Shota Rustaveli nomidagi xalqaro aeroportda Gruziya Bosh vaziri Irakliy Kobaxidze kuzatib qo‘ydi.
Tashrif davomida davlat rahbari Gruziya Prezidenti Mixail Kavelashvili hamda Bosh vazir Irakliy Kobaxidze bilan muzokaralar o‘tkazdi. Unda ikki davlat o‘rtasidagi do‘stlik va ko‘p yo‘nalishli hamkorlikni yanada rivojlantirish, siyosiy aloqalar, savdo-iqtisodiy hamda investitsiyaviy hamkorlikni kengaytirish, shuningdek, transport-tranzit, turizm va madaniy-gumanitar sohalardagi sheriklik masalalari muhokama qilindi.
Davlat tashrifi yakunida O‘zbekiston Prezidenti Toshkent shahriga jo‘nab ketdi.
Eslatib o'tamiz, avvalroq Shavkat Mirziyoyevga Gruziyaning yuksak davlat mukofoti — “Oltin mo‘yna” ordeni tantanali ravishda topshirilgandi. Shuningdek,
O‘zbekiston va Gruziya o‘rtasida Strategik sheriklikni yo‘lga qo‘yish to‘g‘risidagi deklaratsiya imzolangan.
Tbilisida buyuk mutafakkir Alisher Navoiy haykalining ochilish marosimi ham o'tkazildi.
