Samarqanddagi tartibsizliklar sabab MrBeast’ning Buxoro va Xorazmga safari bekor qilindimi?
Jamg‘armaning bildirishicha, tushunmovchiliklarga o‘rin yo‘q: tasdiqlangan jadvalga ko‘ra blogerning safari faqat Toshkent va Samarqand shaharlarini qamrab olishi ko‘zda tutilgan edi.
Loyiha doirasidagi barcha tadbirlar MrBeast jamoasi bilan oldindan kelishilgan reja asosida to‘liq amalga oshirilgan bo‘lib, dasturning biror bir bandi bekor qilinmagan. Blogerning mamlakatdan jo‘nab ketish sanasi ham avvaldan belgilangan jadvalga qat’iy mos keladi.
Shuningdek, tasvirga olish guruhining qolgan a’zolari loyiha doirasidagi suratga olish ishlarini O‘zbekistonning boshqa hududlarida davom ettirmoqda. Jamg‘arma poytaxt va Samarqand aholisi hamda mehmonlariga xalqaro ijodiy jamoaga ko‘rsatilgan samimiy va iliq mehmondo‘stlik uchun minnatdorchilik bildirdi.
Tashrif va suratga olish jarayonlariga oid keyingi tafsilotlar hamda rasmiy ma’lumotlar Madaniyat va san’atni rivojlantirish jamg‘armasining axborot resurslarida bosqichma-bosqich e’lon qilib boriladi.
Tarmoqda Samarqandda yuz bergan tartibsizliklar sabab MrBeast’ning Xorazm va Buxoroga safarlari bekor qilingani aytilgan edi.
