Rossiyada sudlangan migrantlar va jinoyatchilar uchun urushga ketish imkoniyati yanada ko‘paydi
Yangi qonunchilikka ko‘ra, endilikda jinoiy guruh a’zolari, noqonuniy migratsiya tashkilotchilari, strategik tovar va naqd pul kontrabandachilari hamda yadro materiallari bilan muomala qilish tartibini buzgan shaxslar harbiy xizmatga jalb etilishi mumkin. Tergovi to‘xtatilgan yoki ushbu jinoyatlar bo‘yicha sudlangan fuqarolarga Mudofaa vazirligi bilan shartnoma tuzish huquqi berildi.
Shu bilan birga, ayrim og‘ir jinoyatlar uchun cheklovlar saqlanib qoldi. Terrorizm, davlatga xiyonat, josuslik, ekstremizm, diversiya, voyaga yetmaganlarga nisbatan jinsiy jinoyatlar, shuningdek, jinoiy hamjamiyat tuzgan hamda unga rahbarlik qilgan shaxslar frontga yuborilmaydi.
Ikkinchi qonun bilan Jinoyat kodeksining 78.1-moddasiga tuzatish kiritilib, shartnoma tuzgan mahkumlarni jinoiy javobgarlik va jazodan ozod etish hamda ularning sudlanganligini olib tashlash tartibi yangi qoidalarga moslashtirildi.
