“Rossiya ruslar uchun!”. Moskvada YTH sabab navbatdagi irqchilik mashmashasi avj oldi
Rossiyada tug‘ilib o‘sgan, millati osiyolik bo‘lgan Zarina ismli rieltor ayolning so‘zlariga ko‘ra, YTHdan so‘ng narigi haydovchi ayol mashinadan tushib: “Bu yerga nega keldinglar?”, “Rossiya ruslar uchun!”, deya baqirib, ularga tashlangan.
Ayniqsa, agressiv ayolning din, ro‘mol va boshqa millatlar haqidagi haqoratomuz gaplari ijtimoiy tarmoqlarda keskin e’tirozlarga sabab bo‘lmoqda. Zarina o‘zining Rossiya fuqarosi ekani va shu yerda tug‘ilganini aytganiga qaramay, mahalliy ayol ksenofobik hamda irqchilik ruhidagi bosimni to‘xtatmagan.
So‘nggi vaqtlarda Rossiyada noslavyan qiyofasidagi fuqarolarga nisbatan bunday maishiy millatchilik holatlari tez-tez ko‘zga tashlanmoqda.
