Qozog‘istondagi harbiy mashg‘ulotlarda halok bo‘lganlar orasida Qoraqalpog‘istonda tug‘ilgan askar ham bor
Qozog‘iston Mudofaa vazirligi tomonidan e’lon qilingan rasmiy ma’lumotlarga ko‘ra, dengizdagi qidiruv-qutqaruv operatsiyasi davomida suvga oqib ketgan harbiylarning jasadlari topilgan. Hodisa 24-sentyabr kuni yuz bergan bo‘lib, o‘shanda jami 17 nafar harbiy dengiz toza oqimiga duch kelib qolgan edi.
Ayni paytda mazkur fojia yuzasidan tegishli moddalar bo‘yicha jinoyat ishi qo‘zg‘atilib, hodisaga aloqador deb topilgan 5 nafar harbiy mansabdor shaxs qo‘lga olindi. Tuzilgan maxsus komissiya voqea sabablarini o‘rganmoqda, vazirlik esa halok bo‘lganlarning yaqinlariga va jabrlanganlarga moddiy hamda psixologik yordam ko‘rsatilishini bildirdi.
Fojiadan omon qolgan uch nafar askardan biri – Akjol Temiraliyev hozirda shifoxonada davolanmoqda. Shifokorlarning ta’kidlashicha, uning salomatligi barqarorlashgan, u hushiga kelib, mustaqil harakatlanmoqda hamda umumiy palataga o‘tkazilgan.
