Qozog’iston osmonida uchuvchisiz taksi ilk bor yo’lovchi tashidi
Bort ikki yoʻlovchini tashishga moʻljallangan boʻlib, soatiga 130 km gacha tezlik oladi va 35 kilometrgacha masofani bosib oʻta oladi. Birinchi bosqichda Qozogʻistonning tabiiy, madaniy va tarixiy diqqatga sazovor joylari ustida 5 daqiqadan 30 daqiqagacha davom etadigan turistik va namoyish marshrutlarini yoʻlga qoʻyish rejalashtirilmoqda. Kelgusida ushbu havo tizimlari shoshilinch tibbiy yordam koʻrsatish, dori-darmon yetkazish va yongʻinlarni oʻchirish kabi tezkor logistika yoʻnalishlarida ham qoʻllaniladi.
Loyiha doirasida xalqaro hamkorlik orqali uchuvchisiz havo tizimlarini Qozogʻistonda ishlab chiqarishni mahalliylashtirish, yangi ish oʻrinlari yaratish va yuqori texnologiyali mashinasozlikni rivojlantirish koʻzda tutilgan.
Hozirda Transport vazirligi tomonidan eVTOL kemalari, vertiportlar va havo harakatini boshqarish tizimlarini tartibga soluvchi qonunchilik bazasi hamda infratuzilma toʻliq shakllantirib boʻlingan.
