Pokiston O‘zbekistonga 20 ming dollarlik kriket jamlanmalarini sovg‘a qildi
O‘zbekistonning Pokistondagi elchixonasi sa’y-harakatlari bilan amalga oshirilgan ushbu tashabbus doirasida kriket federatsiyasiga 9 turdagi anjomlardan iborat yuqori sifatli sport to‘plamlari topshirildi. Sovg‘a qilingan jamlanmalar soni ramziy ma’no kasb etib, mamlakat mustaqilligining 35-yillik sanasiga bag‘ishlandi.
Tadbirkorlarning ushbu ko‘mogi respublikada kriket sportini ommalashtirish hamda ikki mamlakat o‘rtasidagi do‘stona aloqalarni mustahkamlashga xizmat qilishi kutilmoqda.
Mazkur loyiha davlat rahbari tomonidan qabul qilingan Mustaqillikning 35-yillik bayramiga tayyorgarlik ko‘rish va uni o‘tkazish to‘g‘risidagi qaror ijrosi doirasida tashkillashtirilgan.
