“Pichan bosgan itdek o‘tirmayman”. To‘qayev Milliy fond pullarini xalqqa sarflash va qayta saylanish niyati haqida gapirdi
OAV vakillari bilan suhbatda davlat rahbari Konstitutsiyaviy sud qaroriga ko‘ra saylovda qatnashishga to‘liq qonuniy huquqi borligini qayd etdi. Shunga qaramay, u bo‘lajak prezidentlik poygasiga nomzodini qo‘yish haqida gapirishga hali erta ekanini ta’kidladi. To‘qayevga ko‘ra, hozirgi asosiy e’tibor mamlakatni keng ko‘lamli qurilish maydoniga aylantirish hamda xalq uchun ijtimoiy obyektlar barpo etishga qaratilgan.
Iqtisodiy islohotlarga to‘xtalgan Prezident Milliy fond mablag‘larini xorijiy qimmatli qog‘ozlarda saqlashdan ko‘ra, ularni to‘g‘ridan-to‘g‘ri fuqarolar farovonligiga yo‘naltirish tarafdori ekanini bildirgan.
“Men bu pullar ustida pichan bosgan itdek o‘tirishga qarshiman, ular xalqqa xizmat qilishi kerak”, deya ta’kidladi u.
Qozog‘iston rahbari murakkab geopolitik vaziyatga qaramay, mamlakatda barqarorlik va iqtisodiy o‘sish ta’minlanayotganini ham qo‘shimcha qilgan.
Mamlakatda 1-iyuldan kuchga kirgan yangi Bosh qomus va uning ortidan amalda bo‘lgan bir palatali Qurultoy tizimi siyosiy islohotlarning yangi bosqichini boshlab berdi. 1995-yilgi Konstitutsiya bo‘yicha faoliyat yuritgan rahbarlarga yangi qonunchilik doirasida qayta saylanish imkoni berilgani sababli, To‘qayevning kelgusi saylovlardagi ishtiroki qonunan kafolatlangan.
