Pavel Durov Toshkentdagi olimpiada g‘oliblariga 117 ming dollarlik mukofot ajratdi
Toshkentda o‘tkazilayotgan IOI-2026 Xalqaro informatika olimpiadasi ishtirokchilarini Telegram asoschisi Pavel Durov qo‘llab-quvvatladi. U o‘z kanalida musobaqaning algebra va algoritm tushunchalariga asos solgan Al-Xorazmiy vatanida o‘tayotgani ramziy ma’noga ega ekanini ta’kidladi.
Durov yosh dasturchilarni rag‘batlantirish maqsadida 235 nafar g‘olib va sovrindorga umumiy qiymati kamida 117 ming dollarga teng bo‘lgan “Algorithm Cups” nomli eksklyuziv raqamli kolleksiyalarni topshirishini ma’lum qildi.
Telegram asoschisining qo‘shimcha qilishicha, bugungi kunda kompaniya jamoasining ko‘plab yetakchi mutaxassislari o‘z vaqtida aynan ushbu nufuzli olimpiadada medallarni qo‘lga kiritgan.
