Özbekistondagi uçta yirik universitetning rektorlari işdan olindi

Toşkent kimyo-texnologiya instituti matbuot xizmati ma’lumotiga köra, 2020-yildan beri oliygohga rahbarlik qilib kelgan Botir Usmonov 9-noyabr kuni öz xohişiga köra yozgan arizasiga binoan işdan böşatilgan. Ayni paytda institut rektori vazifasini texnika fanlari doktori, professor Toyir Safarov vaqtinça bajarib turibdi.

Özbekiston davlat jahon tillari universiteti rektori Ilhomjon Töxtasinov ham lavozimini tark etgani ma’lum böldi. 2023-yilda mazkur universitet rahbarligiga kelgan Töxtasinovning örniga hozirda Muhammad Çutpölatov rektor vazifasini bajaruvçi sifatida iş olib bormoqda. Xuddi şunday özgariş Samarqand davlat çet tillari institutida ham kuzatilib, 2024-yildan buyon muassasani boşqarib kelgan Bahodir Xoliqov örniga öquv işlari böyiça prorektor Umid Jumanazarov vaqtinça rahbar etib belgilandi.

Eslatib ötamiz, 6-noyabr kuni oliy ta’lim tizimidagi bir neçta rektorlar işdan olingani haqida xabarlar tarqalgan, biroq öşanda vazirlik bu ma’lumotni rad etgan edi. Vazirlik rasmiylari öşa vaqtda heç kim işdan böşatilmagani, faqat 4 nafar rahbar qattiq ogohlantirilgani va ularning kelgusidagi taqdiri maxsus işçi guruh xulosasiga köra hal etilişini bildirgan edi.