O’zbekistonda tug‘ilgan taniqli bloger Qozog’istonda xalqaro qidiruvga berildi
Qozog‘iston moliyaviy monitoring agentligi xabariga ko‘ra, 2000-yil 19-fevralda tug’ilgan, O‘zbekiston fuqarosi M.Xikmatov ekvayring, mobil kommersiya hamda kriptovalyuta orqali mablag’larni qabul qilgan va to’lagan, shuningdek tajovuzkorona reklama kompaniyasini olib borgan. Xikmatov Qozogʻistonda faoliyat yurituvchi influyenserlarni noqonuniy kontentni joylashtirishga jalb qilish bilan shugʻullangan. U qozogʻistonlik blogerlardan ularning akkauntlari boʻyicha batafsil statistikani soʻrab olgan, shundan soʻng reklama integratsiyalari narxini shakllantirgan. Umumiy hisobda u 35 dan ortiq blogerni, jumladan, avvalroq qoʻlga olingan Kaisar Kamzani jalb qilishga erishgan.
2026-yil 6-avgust kuni Kaisar Kamza Vyetnam Sotsialistik Respublikasida qo’lga olinib, Qozogʻistonga muvaffaqiyatli ekstraditsiya qilindi.
U 2026-yil yanvar oyida xalqaro qidiruvga berilgan edi. Kamza o'zining ijtimoiy tarmoqlaridago 2 mln dan ortiq foydalanuvchisidan foydalanib, Qozog'istonda taqiqlangan onlayn kazinoni 400 000 obunachisi bo‘lgan yopiq Telegram kanali orqali targ‘ib qildi.
Qozogʻiston Respublikasi Ichki ishlar vazirligi maʼlumotlariga koʻra, bloger 100 million tengedan ortiq noqonuniy qimor oʻyinlari reklamasini olgan boʻlishi mumkin, bu mablagʻ kriptovalyuta hamyoniga oʻtkazilgan. Qozogʻiston sudi ilgari uning 182 736 dollarlik kriptovalyuta aktivlarini musodara qilgan edi.
