O‘zbekistonda moliyaviy muassasalarning islomiy bankka o‘tish tartibi tasdiqlandi
Yangi tartib 2026-yil mart oyida qabul qilingan islomiy bank faoliyatini joriy etishga oid qonunga muvofiq ishlab chiqilgan. Hujjatga ko‘ra, moliya muassasalariga islomiy bank statusiga o‘tish va uni o‘zgartirish bo‘yicha aniq mexanizmlar belgilab berildi.
Qoidalarga binoan, mikromoliya tashkilotlari islomiy mikromoliya bankiga, ular esa o‘z navbatida islomiy bankka aylanishi mumkin. Shuningdek, islomiy banklarning islomiy mikromoliya banki yoki oddiy mikromoliya tashkiloti maqomiga qaytishiga ham ruxsat beriladi. Tijorat banklari esa islomiy bank faoliyatini yurituvchi muassasa sifatida qayta tashkil etilishi mumkin. Bunda islomiy bank maqomini faqat islomiy mikromoliya banki shaklidagi tashkilotlar olishi belgilangan.
Tashkiliy talablarga ko‘ra, islomiy mikromoliya bankini davlat ro‘yxatidan o‘tkazish va litsenziya olish uchun uning binosi imkoniyati cheklangan shaxslarga moslashtirilgan bo‘lishi shart. Bu sharoitlar Qurilish va uy-joy kommunal xo‘jaligi sohasidagi inspeksiya xulosasi bilan tasdiqlanishi lozim.
