O‘zbekistonda harorat hafta davomida yuqoriligicha saqlanadi
O‘zbekiston hududida ushbu hafta davomida 42 darajagacha ob-havo kuzatiladi. Bu haqda O‘zgidromet xabar berdi.
Kunduzgi harorat 37–40 daraja, 12–13-avgust kunlari esa ayrim joylarda 41–42 darajagacha ko‘tariladi. Kechalari havo 21–26 daraja atrofida bo‘ladi.
Aksariyat hududlarda yog‘ingarchilik kutilmaydi. Bugun kunduzi Toshkent viloyatining ayrim joylarida, shuningdek, haftaning ayrim kunlarida respublikaning tog‘li hududlarida qisqa muddatli yomg‘ir yog‘ib, momaqaldiroq bo‘lishi mumkin.
Shimoliy va cho‘l hududlarda, shuningdek, 14-avgust kuni respublikaning ayrim joylarida shamol tezligi 13–18 m/s gacha kuchayishi, chang-to‘zonlar kuzatilishi ehtimoli bor.
Toshkentda bugun kunning ikkinchi yarmida ayrim joylarda qisqa muddatli yomg‘ir va momaqaldiroq bo‘lishi mumkin. 11–14-avgust kunlari yog‘ingarchilik kutilmaydi. Poytaxtda kechalari 23–26 daraja, kunduz kunlari 37–40 daraja, 12–13-avgustda esa 41 darajagacha issiq bo‘ladi.
