O‘zbekistonda aholi jon boshiga YIM qariyb 28 mln so‘mni tashkil etdi
2026-yilning birinchi yarmida O‘zbekistonda aholi jon boshiga yalpi ichki mahsulot hajmi 27,95 mln so‘mga yetdi. Bu haqda Milliy statistika qo‘mitasi xabar qildi.
Qayd etildiki, ko‘rsatkich o‘tgan yilning shu davriga nisbatan real hisobda 6,6 foizga oshgan.
Yanvar–iyun oylarida aholi jon boshiga YAIM hajmi yillar kesimida quyidagicha bo‘lgan:
- 2022-yil — 12,46 mln so‘m;
- 2023-yil — 14,58 mln so‘m;
- 2024-yil — 18,13 mln so‘m;
- 2025-yil — 23,89 mln so‘m;
- 2026-yil — 27,95 mln so‘m.
Aholi jon boshiga YAIM mamlakatda yaratilgan yalpi ichki mahsulot hajmini aholi soniga bo‘lish orqali hisoblanadi. U fuqarolarning ish haqi yoki shaxsiy daromadini anglatmaydi.
