O‘zbekiston Osiyo o‘yinlarida 70 ta medal jamg‘arib, umumjamoa hisobida top-5 talikka kirdi
Turnirning tengsiz yetakchisi Xitoy terma jamoasi bo‘ldi – ular 169 ta oltin, 89 ta kumush va 83 ta bronza (jami 341 ta) medal bilan yaqqol birinchilikni qo‘lga kiritdi. Mezbon Yaponiya 269 ta medal (83 ta oltin) bilan ikkinchi, Janubiy Koreya esa 150 ta medal (39 ta oltin) bilan uchinchi pog‘onadan joy oldi.
O‘zbekiston sportchilari teng miqdordagi oltin medallar soni bo‘yicha Hindiston bilan bir xil ko‘rsatkich qayd etdi, biroq kumush medallar nisbatiga ko‘ra hindistonliklar to‘rtinchi o‘rinni band etdi. Mintaqadagi qo‘shni mamlakatlardan Qozog‘iston terma jamoasi 12 ta oltin medal bilan 8-o‘rindan joy oldi.
Kuchli o‘nlik ro‘yxatini Eron, Tailand, Qozog‘iston, Gonkong hamda Bahrayn terma jamoalari yakunlab berdi.
