O‘zbekiston milliy terma jamoasi noyabr oyida Rossiyaga qarshi o‘rtoqlik o‘yini o‘tkazishi kutilmoqda
Sport nashrlari bergan ma’lumotlarga ko‘ra, ushbu xalqaro o‘rtoqlik o‘yinini O‘zbekiston maydonlarida tashkillashtirish ko‘zda tutilgan.
Rossiya tomoni ham ushbu oyda ikkita o‘yin o‘tkazishni rejalashtirayotgani va ularning ikkinchi ehtimoliy raqibi sifatida Afg‘oniston terma jamoasi ko‘rilayotgani aytilmoqda.
Nashrlarning manbalariga tayansak, tomonlar o‘rtasidagi muzokaralar muvaffaqiyatli yakunlansa, o‘yin Toshkentda bo‘lib o‘tishi kutilmoqda.
Shunga qaramay, hozircha har ikki mamlakat futbol federatsiyalari ushbu bellashuv va uning aniq sanasi bo‘yicha rasmiy ma’lumot bergani yo‘q. Muzokaralar va yakuniy kelishuvlar haqida yaqin kunlarda rasman e’lon qilinishi kutilmoqda.
