O‘zbekiston–Afg‘oniston Faryob viloyatida “Do‘stlik bog‘lari”ini qurishni boshladi
Kecha 28-iyul kuni O‘zbekiston va Afg‘oniston birgalikda Faryob viloyati 60 gektar maydonda “Do‘stlik bog‘lari” barpo etilishi boshladi. Bu haqda Qishloq xo‘jaligi vazirligi xabar berdi.
Ma’lum qilindiki, tashkil etilayotgan bog‘ uchun rasmiy pasport va manzil belgilandi. Shuningdek, loyiha O‘zbekiston delegatsiyasining Afg‘onistonga tashrifi davomida tamal toshi qo‘yilib, amaliy ishlarning faol bosqichiga start berildi.
Mazkur bog‘ Xon-Chorbog‘ tumanidagi 60 gektar maydonda barpo etilmoqda. Bu yerda 40 ming tup mevali ko‘chat ekish, tomchilatib sug‘orish tizimini joriy etish va sug‘orish tizimini suv bilan uzluksiz ta’minlash uchun hajmi 8000 kub metr bo‘lgan suv ombori qurish rejalashtirilgan.
Mazkur loyiha ikki mamlakat o‘rtasidagi agrar hamkorlikni yanada rivojlantirish, zamonaviy bog‘dorchilik tajribalarini joriy etish hamda qishloq xo‘jaligida samarali hamkorlikni kengaytirishga xizmat qilishi ko‘zlangan.
