Ozarbayjon Turkiyadagi elchisini O‘zbekistonga yubordi
Toshkentda Ozarbayjon Respublikasining yangi elchisi Rashad Mamedov va Tashqi ishlar vaziri Baxtiyor Saidov o‘rtasida uchrashuv bo‘lib o‘tdi hamda diplomatning ishonch yorliqlari nusxalari qabul qilindi.
Muzokaralar chog‘ida ikki davlat rahbarlari o‘rtasidagi yuksak ishonchga asoslangan munosabatlar strategik sheriklik va ittifoqchilikni yangi bosqichga olib chiqayotgani ta’kidlangan. Tomonlar siyosiy muloqot sur’atini saqlab qolish, savdo-iqtisodiy, investitsiyaviy hamda transport-logistika sohalaridagi qo‘shma loyihalarni jadallashtirish masalalarini atroflicha muhokama qilingan.
Ma’lumot uchun, diplomatik sohada boy tajribaga ega bo‘lgan Rashad Mamedov 2021–2026-yillar davomida Ozarbayjonning Turkiyadagi elchisi lavozimida ishlab kelgan. Avvalroq Ozarbayjonning O‘zbekistondagi elchisi Guseyn Guliyev 14 yillik diplomatik faoliyatini yakunlagan edi.
