Obunaçi yiğiş uçun begona qizga tuhmat qilgan bloger Feruza Normatovaga jinoyat işi qözğatildi
Voqea poytaxtning Mirobod tumanida istiqomat qiluvçi qizning içki işlar organlariga qilgan murojaatidan söng foş bölgan.
Jabrlanuvçi ijtimoiy tarmoqdagi sahifada uning surati ruxsatsiz joylaştirilganini va bloger uni turmuş örtoği bilan işqiy munosabatda bölişda asossiz ayblab, şa’niga putur yetkazuvçi sözlar bilan haqorat qilganini bildirgan. Qiz uşbu blogerni ham, uning erini ham umuman tanimasligini, 4 milliondan ziyod körilgan uşbu tuhmat video sababli hatto uyiga bora olmay qolganini ta’kidlagan.
Ötkazilgan suriştiruv davomida bloger Feruza Normatova suratdagi qizni haqiqatan ham tanimasligini tasdiqlagan. U mazkur yolğon va haqoratomuz videoni şunçaki piar qiliş hamda sahifasidagi obunaçilar sonini köpaytiriş ilinjida joylaştirganini tan olgan.
Holat yuzasidan Mirobod tumani IIO FMB tergov bölimi tomonidan blogerga nisbatan Jinoyat kodeksining 140-moddasi 2-qismi (ommaviy axborot vositalari yoki internet tarmoqlari orqali haqorat qiliş) bilan jinoyat işi qözğatildi. Hozirda tergov harakatlari olib borilmoqda.
- #Feruza Normatova
- #jinoyat işi
- #tuhmat
