Nikohlar kamayib, ajrimlar ko‘paymoqda: 6 oyda 24,8 mingdan ziyod oila ajrashib ketdi
Milliy statistika qo‘mitasi mamlakatdagi demografik holat bo‘yicha olti oylik ko‘rsatkichlarni e’lon qildi. Unga ko‘ra, yanvar-iyun oylarida 24 815 ta nikoh bekor qilingan bo‘lib, har 1000 nafar aholiga o‘rtacha 1,3 ta ajrim to‘g‘ri kelmoqda.
Ajralishlarning asosiy ulushi – 60,1 foizi (14,9 mingtasi) shahar hududlarida, qolgan 39,9 foizi (9,9 mingtasi) esa qishloqlarda qayd etilgan.
Hududlar bo‘yicha eng yuqori ko‘rsatkich poytaxt Toshkent shahrida kuzatildi (3 222 ta). Shuningdek, Farg‘ona (2 676 ta), Samarqand (2 608 ta), Andijon (2 471 ta) va Toshkent viloyatlarida (2 334 ta) ham ko‘p ajrimlar ro‘yxatga olindi. Eng kam ajralish esa Navoiy viloyati hissasiga to‘g‘ri keldi – 673 ta.
Boshqa hududlardagi holat:
Namangan – 2 070 ta;
Surxondaryo – 1 718 ta;
Qashqadaryo – 1 704 ta;
Buxoro – 1 275 ta;
Xorazm – 1 079 ta;
Jizzax – 1 072 ta;
Qoraqalpog‘iston – 1 048 ta;
Sirdaryo – 865 ta.
Shu bilan birga, hisobot davrida respublika bo‘yicha 92,3 mingta rasmiy nikoh qayd etildi. Bu ko‘rsatkich 2025-yilning mos davri bilan solishtirilganda 3 mingtaga kamdir.
