Mustaqillik arafasida yuzlab fuqaroligi bo‘lmagan shaxslarga O‘zbekiston pasporti berildi
Yangi fuqarolarning hududlar kesimidagi eng katta qismi Surxondaryo viloyatiga to‘g‘ri kelib, u yerda 90 nafar kishi O‘zbekiston pasportiga ega bo‘ldi. Ro‘yxatda keyingi o‘rinni Toshkent viloyati egallagan bo‘lib, bu hududda 47 nafar shaxs mamlakat fuqarolari safi bilan to‘lishdi.
Rasmiy ma’lumotlarga ko‘ra, 2016-yildan shu kunga qadar 26 mingga yaqin inson O‘zbekiston fuqaroligini qo‘lga kiritgan. Fuqarolikni tan olish bo‘yicha yangi huquqiy institut joriy etilishi natijasida esa yana 60 mingdan ziyod shaxs rasman mamlakat fuqarosi deb e’tirof etilgan.
Avvalroq, Mustaqillikning 35 yilligi munosabati bilan davlat rahbari tomonidan 852 nafar mahkumni afv etish bo‘yicha ham alohida farmon imzolangan edi.
