Markaziy Osiyoda eng qimmat benzin O‘zbekistonda sotilmoqda
2026-yil 6-iyul holatiga ko‘ra, jahon bo‘yicha benzinning o‘rtacha narxi 1,47 dollarni tashkil etgan bir vaqtda, mintaqa davlatlarida narxlar sezilarli darajada farq qiladi. Markaziy Osiyoda eng arzon benzin Turkmanistonda (0,428 dollar) sotilmoqda.
Qozog‘istonda ushbu ko‘rsatkich 0,687 dollar, Qirg‘izistonda esa 1,016 dollarni tashkil etadi. MDHning boshqa davlatlaridan Ozarboyjonda benzin 0,676 dollar, Belarusda 0,942 dollar va Rossiyada 0,943 dollardan sotilmoqda.
Dunyo miqyosida eng arzon benzin Liviya (0,023 dollar), Eron (0,029 dollar) va Venesuelada (0,035 dollar) qayd etilgan bo‘lsa, eng qimmat yoqilg‘i Gonkongda (4,06 dollar) sotilmoqda. Mutaxassislarning tushuntirishicha, mamlakatlardagi bunday narxlar farqi neftning jahon bozoridagi narxi bilan emas, balki ichki bozorga joriy etilgan soliqlar va davlat subsidiyalari miqdori bilan belgilanadi.
