Lacettini ikkiga bo‘lib yuborgan Kia haydovchisi voyaga yetmagan bola bo‘lib chiqdi
Joriy yilning 30-iyun kuni Toshkent shahrining Yunusobod tumanida daxshatli avtohalokat yuz bergan edi. Katta tezlikda harakatlangan Kia K5 mashinasi Lacettining orqa qismiga urilib, ikkiga bo‘lib yuborgan edi.
Toshkent shahar Ichki ishlar bosh boshqarmasi holat yuzasidan yangi tafsilotlarni ma’lum qildi. Qayd etildiki, to‘qnashuvda ishtirok etgan har ikkala avtomobil rulida o‘smirlar bo‘lgan. Transport hodisasi oqibatida bir nafar ayol halok bo‘lgan.
Bo‘linib ketgan avtomobilda, shuningdek, 4 yoshli bola va uning buvisi bo‘lgani ham aytilmoqda. Ular og‘ir tan jarohatlari olib, reanimatsiya bo‘limiga yotqizilgan.
