Йигит имтиёзли ўқишга кириш учун оёқларини кесиб ташлади
Сураж Бхаскар исмли йигит фармацевтика йўналишида таълим олган ва тиббиёт факультетида ўқишни давом эттиришни истаган. Бунинг учун эса у ногиронлиги бор одамларга бериладиган имтиёздан фойдаланишни режалаштирган.
18 январь куни Бхаскар полицияга мурожаат қилиб, 2 нафар номаълум шахс унга ҳужум қилиб, чап оёғининг бир қисмини кесиб ташлашганини айтган. Ҳуқуқ-тартибот органлари ҳолат юзасидан жиноят иши очган. Тергов давомида воқеа жойидан шпритслар, ҳушсизлантирувчи дори ва кесиш асбоблари топилган. Йигит бу ишни атайлаб қилгани фош бўлган.
Йигит шахсий кундалигида “2026 йилда Тиббиёт ва Жарроҳлик бакалаврига ҳар қандай йўл билан кираман” деб ёзиб қолдирган.
