Istanbulda yo‘qolib qolgan 13 yoshli qizaloq onasiga topshirildi
Turkiyaniing Istanbul shahri Beyo‘g‘li tumanida yo‘lib qolgani aytilayotgan 13 yoshli qizaloq 1- sentyabr kuni onasiga topshirildi. Bu haqda O‘zbekistonning Istanbuldagi Bosh konsulxonasi xabar berdi.
Ma’lumotlarga ko‘ra, 30-avgust kuni soat 22:30 da Bosh konsulxonaga tumanidagi masjidlardan birining imomi qo‘ng‘iroq qilib, 13 yoshli O‘zbekiston fuqarosi haqida ma’lumot bergan.
Diplomatlar zudlik bilan voqea joyiga borib, voyaga yetmagan vatandoshni Bosh konsulxonaga olib kelgan. Uning yaqin qarindoshlarini aniqlash va ular bilan bog‘lanish bo‘yicha tegishli choralar ko‘rilgan va 1-sentyabr kuni onasiga sog‘-salomat topshirilgan.
Bosh konsulxona ushbu masalada ko‘mak ko‘rsatgan Turkiyaning tegishli idoralari va fuqarolariga minnatdorlik bildirgan.
