Хориждаги Ўзбекистон фуқароларининг ҳимояси кучайтирилади
Президент Шавкат Мирзиёев таъкидлаганидек, энди элчи ва консуллар ҳар бир ҳолат бўйича малакали юридик ёрдам кўрсатиб, ватандошлар ҳуқуқ ва манфаатларини қатъий ҳимоя қилиши шарт.
Шунингдек, элчилар “кабинет дипломатияси”дан воз кечиб, хорижда ишлаётган ва ўқиётган фуқаролар билан бевосита мулоқот қилиши лозимлиги қайд этилди.
Муҳим янгилик сифатида, хорижда оғир вазиятга тушган фуқаролар учун бепул колл-марказ ташкил этилиши маълум қилинди. Бу тизим мурожаатларни тезкор қабул қилиб, муаммоларни зудлик билан ҳал қилишга хизмат қилади.
Бу чоралар давлатнинг фуқароларни қаерда бўлишидан қатъи назар қўллаб-қувватлашга бўлган қатъий позициясини кўрсатади.
