Fransiya va Marokash o’yinidan so’ng ommaviy tartibsizlik yuz berdi
2022-yilgi Jahon chempionatida Fransiya Marokashni 2:0 hisobida mag‘lub etib final bosqichiga chiqqan edi. Tarix yana takrorlanib, bu safar ham 2026-yilgi FIFA Jahon chempionatining chorak finalida Fransiya terma jamoasi Marokashni yana 2:0 hisobida mag‘lubiyatga uchratdi va yarim finalga yo‘l oldi. O‘yin tugagach, Buyuk Britaniya vaqti bilan soat 23:00 da tugashi bilan London shahrida Marokash muxlislari o‘rtasida ommaviy tartibsizliklar yuz berdi.
“Edgware Road ko‘chasida yuzlab Marokash muxlislari to‘planib, politsiya bilan to‘qnashuvlarga olib keldi. Tarafdorlar bayroqlar ko‘tarib avtomashinalar ustiga chiqib olgan va avtomashinalar harakatini to‘xtatib qo‘ygan. Hattoki politsiyalarga shisha butilkalar, turli buyumlar va tutun bombalari otilgan. Tartibsizlik taxminan bir soat davom etgan. to‘rt kishi hibsga olingan va bir politsiya xodimi boshidan jarohat olib, hushidan ketgan va kasalxonaga yetkazilgan.
2022-yilda ham shunday holatlar kuzatilganligi sababli Fransiya hukumati va ichki ishlar vazirligi yuqori xavfni hisobga olib, butun mamlakat bo‘ylab 20 mingdan ortiq politsiyachini safarbar qildi. Bu kabi tartibsizlik Gollandiya Marokash o‘yinidan keyin ham yuzaga kelgan edi. Politsiya bir nechta yigitlarning oyoqlariga tayoq bilan urib, ularni yerga yiqitdi. Qo‘llariga kishan solib, politsiya mashinalarida olib ketildi.Gollandiya politsiyasi hatto velosipedda ko‘chalarda yoshlar bilan mushuk-sichqon o‘yinini o‘ynadi, ammo jiddiy zarar yetkazilmadi. Bir necha bor urinishlarga qaramay, odamlar ommaviy axborot vositalari bilan gaplashishdan bosh tortdilar, chunki ular o‘z shaxslarini sir saqlashga urindi. Ko‘chalarda ko‘pchilik g‘alati kiyimlar va yuz niqoblari kiyib olishgan edi.Shuningdek o‘sha o‘yinda o‘nga yaqin odam hibsga olingan edi. Mutaxassislar bunday holatlarni, o‘yin natijasidagi hafsalasizlik va oldingi voqealarning ta’siri bilan bog‘ladi. Politsiya organlari esa keyingi o‘yinlarda bunday tartibsizliklarga qarshi qat’iy choralar ko‘rishini va aybdorlarni javobgarlikka tortishini ta’kidlamoqda.
